तीन पल्ट पत्र पठाउँदा पनि भारतले चासो देखाएनः परराष्ट्र मंत्री

वार्ताका लागि तीन पटक पत्र पठाउँदा पनि भारतले चासो देखाएन । २०७७ असार १२ गते बसेकाे सत्तारूढ नेपाल कम्युनिष्ट पार्टीको स्थायी समिति बैठकमा परराष्ट्रमंत्री प्रदीप ज्ञवालीले उक्त कुराकाे रिपाेर्ट गरेका हुन ।

उक्त बैठकमा पछिल्लो समय भारतसँग देखिएको सीमा विवादबारे छलफल छलफल चलिरहेकाे थियाे । बैठकमा बोल्दै स्थायी समिति सदस्यसमेत रहेका परराष्ट्र मन्त्री प्रदीप ज्ञवालीले वार्ताका लागि भारतलाई तीन पटक पत्र पठाउँदा पनि चासो नदिएको बताए। उनले भने ‘गत नोभेम्बर, डिसेम्बर र जनवरी तीन पटक पत्र पठाउँदा पनि भारतले चासो दिएन। अहिले पनि हामी वार्ताका लागि पहल गरिरहेका छौं ‘ बैठकमा चीनले सीम मिचेकाे बारेमा पनि छलफल चलेकाे थियाे । सहभागी स्थायी समिति सदस्य पर्यटन मन्त्री योगेश भट्टराईका अनुसार ‘ बैठकमा परराष्ट्र मन्त्रीज्युले चीनले सीमा मिचेको भनेर पछिल्लो समय मिडियामा आएका समाचार फर्जी कागज बनाएर आएको बताउनुभयो।’

यसअघि बिहीबार विज्ञप्ति जारी गर्दै परराष्ट्र मन्त्रालयले चीनले सीमा नमिचेको र कृषि तथा पशुपन्छी विकास मन्त्रालयले सीमा मिचिएको बारे कुनै प्रतिवेदन नै नबनाएको बताएको थियो। हराएका भनिएका सीमा स्तम्भ भाैगाेलिक कारणले बनाउन बाँकी रहेकाे बताइएकाे थियाे ।

केही समय यता भारतले मिचेका कालापानी लिम्पियाधुरा लगायतका क्षेत्रकाे विषय अाेझेलमा पार्ने र भारत सामु नेपालकाे पाेजिशन कमजाेर पार्ने अभिप्रायले चीन विरूद्ध प्रायाेजित रियुभर फैलाउने प्रयास भैरहेकाे छ ।

बैठकमा बाेल्ने सबै सदस्यहरूले लिम्पियाधुरासम्म भू-भाग समेटेर नक्सा जारी गर्नु राम्रो काम भएको भन्दै समस्या समाधानका लागि अब कूटनीति पहल पनि बढाउनु पर्ने बताएका थिए। लिम्पियाधुरा लगायत छुटेकाे भुभागलाइ समेटेर यसै नेपालले नयाँ निसानछाप प्रयाेगमा ल्याइसकेकाे छ ।

तीन पल्ट पत्र पठाउँदा पनि भारतले चासो देखाएनः परराष्ट्र मंत्री

विशेष

मुख्य शिर्षकहरु

हाम्रो बारेमा

यो पनि पढ्नुहोस्

विशेष

मुख्य शिर्षकहरु

हाम्रो बारेमा