भारतीयले लिएकाे नेपाली नागरिकता खारेज

काठमाडाै । नेपाल सरकारले नक्कली कागजात बनाएर नेपाली नागरिकता लिएका भारतीयको नागरिकता खारेज गरेको छ । नेपाली नागरिकता लिएका पाँच भारतीयहरु जीवनकुमार सिंह, धर्मेन्द्र ठाकुर, अजय राउत, जमुना राउत भनि चिनिने यमुना सिंह र कृपाली राउत भनेर चिनिने कृपाली सिंहको नागरिकता खारेज गर्ने निर्णय भएको  छ । उनीहरूले झुठाे विवरण पेश गरेर नेपाली नागरिकता लिएकाे खुलासा भए पछि सरकारले साे निर्णय गरेकाे थाहा भएकाे छ । मन्त्रीपरिषदकाे हिजाे बसेकाे निर्णयले साे कार्वाइ गरेकाे थिया ।  सञ्चार तथा सूचना प्रविधि मन्त्री गोकुल बाँस्को टाले दिएकाे जानकारी अनुसार सप्तरी, धनुषा र राैतहट जिल्लाबाट नक्कली नागरिकता लिएका ती भारतीय नागरिककाे नागरिकता रद्द गरिएकाे छ । भारतीय नागरिकता लिनेहरूमा जीवनकुमारले सप्तरीबाट, धर्मेन्द्र ठाकुर र अजय राउतले धनुषाबाट तथा यमुना र कृपालीले रौतहट जिल्ला प्रशासन कार्यालयबाट विभिन्‍न समयमा नेपाली नागरिकता लिएका थिए । यस्ता लाखाै भारतीयहरूले नक्कली नेपाली नागरिकता लिएकाे अनुमान छ । सबैलाइ खाेजी खाेजी यसरी नै कार्वाही अगाडी बढाउनु पर्छ अाम देशभक्त नेपालीकाे अावाज छ ।