जन गायक जीवन शर्मालाई स्कट्ल्यैण्डमा सम्मान गरिदै

 

लण्डन। युकेको सुन्दर नगरी स्कट्ल्याण्डको एडिम्वरा शहरमा चर्चित जनगायक जीवन शर्माको सम्मानार्थ एकल गीतिसाँझ तथा पारिवारिक भेटघाट कार्यक्रमको आयोजना गरिएको छ।

गैर आवासिय नेपाली संघ स्कट्ल्याण्ड राज्य समन्वय परिषद (NRNA),नेपाल स्कट्ल्याण्ड एसोसिएसन (NSA), नेपाली फाइफ कम्युनिटी (NFC),नेपाल स्कट क्लव(Nepal Scot Club),ग्लास्गो नेपाली एसोसिएसन (GNA) र मालिका नौमति बाजा समुह(Malika Naumati Baja Samuha) को संयुक्त आयोजना तथा समाजसेवी तथा स्कट क्लबका अध्यक्ष धन केसीको संयोजकत्वमा हुन लागेको यो कार्यक्रम अक्टोवर ९ तारिक सोमवारको दिन बेलुकी ५ बजे देखी रात्री १० बजेसम्म सन्चालन हुने छ।

यस स्थनमा हुन गैरहेको यो कार्यक्रम NRNA UK का पूर्व सचीव तथा समाजसेवी तारानाथ भण्डारीले जानकारी दिनुभयो। नेपालको जन आन्दोलन र नेपाललाइ प्रजातान्त्रिक प्रणाणीमा विकसित गर्नुपर्छ र मजदुर किसान देखि थिचोमिचोमा परेका आम जनसमुदाय सक्रियताका साथ एकजुट भै अघि बढ्नुपर्छ भन्ने सचेतना सहित हरेक तह र तप्कामा रहेका आम नागरिकहरुलाइ आफ्नो अधिकार आफै ल्याउन को लागी फुटेर होइन जुटेर अघि बढ्नुपर्छ भन्ने सन्देश बोकेका जीवन शर्माका गीतहरूले  नेपालको जनाअन्दोलन सफल बनाउन महत्वपूर्ण योगदान गरेको थिए।

जीवन शर्माका गीतहरुको प्रभावले कैयन युवाहरु जनयुद्धमा  होमिए,  कैयन अभियन्ताहरू प्रधानमन्त्री र मन्त्रीहरू बने,कतिले देशको परिवर्तनको लागि आफ्नो ज्यानको आहुती दिए त कैयन युवाहरु देशमा भएको धरपकड र जोखिम सहन नसकि विदेशिन बाध्य भए। तिनै विदेशिन बाध्य भएका युवाहरुको जमात जस्ले आफ्नो देशलाइ सवैभन्दा पहिलो दर्जामा राख्छ।त्यही पुस्ताले जीवन शर्माले देश र जनता प्रति सद्भाव र सम्मानका साथ अफ्नो कला र लेखनबाट शुशोचित गरेको र योगदान दिएको त्यो कठिन समयलाइ आदर गर्दै अनि वहाको आजसम्मको सादगीपन र सादा जीवन उच्च बिचारको हृदयङ्गम गर्दै शर्माको सम्मान गर्न यो कर्यक्रमको आयोजना गरिएको हो।

जीवन शर्माको स्कटल्याण्डमा हुने ऐतिहासिक कार्यक्रममा सहभागी हुन यस कार्यक्रमका सम्योजक श्री धन केसीले सबैसंग अनुरोध गर्नुभएको छ। साथै देशको लागी आफ्नो जीवनकाल भर परिश्रम गरेका जनगायक जीवन शर्मालाइ यसरी सम्मान गरी कार्यक्रम गर्दा विश्वभरी छरिएर बसेका नेपालीहरुले देशलाई अनेक कालख्ण्ड मा योगदान पुर्याएका विभुतीहरूलाई सामुहिक सम्मान गर्ने कार्यको थालनी हुने छ र सवैले अनुशरण गर्न बाटो खुल्ने छ भनी आस्वस्त बनाउन खोज्नुभएकोछ।

स्कटल्याण्डमा हुने ऐतिहासिक कार्यक्रममा सहभागी भएर सफल पार्न स्कटल्याण्डमा रहनु भएका आदरणीय आमा बुवा दाजुभाइ दिदीबहिनीहरुमा कार्यक्रम संयोजक तारानाथ भण्डारीले हार्दिक अनुरोध गर्नुभएकाे छ।

IME Remittance